INgonyama uMisuzulu iqede ilobolo, yamukela owesine
INgonyama u-Misuzulu kaZwelithini isiqede ngokusemthethweni izinhlelo zokulobola iNkosazane uSihle Mdluli, osebe yinkosikazi yayo yesine.
Umcimbi wesintu ubungoMgqibelo, mhla zili-18 kuNtulikazi, eMkhandlwini Wendabuko waseMawewe, eMgobodzi ngaseKomatipoort, eMpumalanga.
Ithimba laseNdlunkulu kaZulu beliholwa yiNkosi uPhathisizwe Chiliza, lilethe izinkomo zelobolo emndenini wasebukhosini wakwaMdluli.
Lo mcimbi ubuyisibonakaliso sokuqinisa ubudlelwano phakathi kwezindlu zobukhosi bakwaZulu nobamaSwati.
INkosazane uSihle iphuma emndenini wasebukhosini baseMawewe, owaziwa ngokukhiqiza izindlalifa zobukhosi.
Ngokushada noSihle, iNgonyama u-Misuzulu manje isinabafazi abane.
Bahlanganisa iNdlovukazi uNtokozo Mayisela, iNdlovukazi uNozizwe Mulela, iNdlovukazi uNomzamo Myeni kanye neNdlovukazi entsha, uSihle Mdluli.
OLUNYE UDABA: Usebenzisa ezokuvakasha ukwelapha abantu
Umcimbi ubuhanjelwe amalungu emindeni yasebukhosini, abaholi bendabuko kanye nezihambeli ebezizobungaza lesi sigameko esibalulekile emlandweni wesizwe samaZulu.
- EZISHISAYO|Â Cofa lapha usithole kuWhatsApp
