Uyise ka-AKA udalulile imfihlo ka-Enhle Mbali

Kusuke umsindo ezinkundleni zokuxhumana ngemuva kokuthi uTony Forbes, onguyise ka-AKA, ededele ibhomu engxoxweni kwiWithin With Hazel.

UForbes uveze ukuthi intombi ka-AKA yokuqala kwakungu-Enhle Mbali Mloshwa, obengumfazi kaDJ Black Coffee.

Leli bhomu livuthise izinkundla zokuxhhumana, abanye bakhumbula ukuthi nebala u-AKA, ongasekho, wake wajola no-Enhle Mbali. 

Lokhu kwakungaphambi kokuthi azwane noBlack Coffee abeshade naye kodwa babuye bahlukanisa. 

Okunye okukhunjulwe abantu wukuthi uBlack Coffee ubenokuba nolaka uma kukhona u-AKA eduze kwakhe. 

Angithi uyakhumbula nje ededela ulabhabha wempama kuTshiamo Letshwene, owayeyimenenja ka-AKA. 

Imibiko yangaleso sikhathi yaveza ukuthi ingxabano yenzeka ngesikhathi ithimba lika-AKA lifika sekudlule isikhathi laphazamisa uBlack Coffee edlala. Lesi sigameko sasusa umsindo sabhebhethekisa nokuqagela mayelana nokungezwani phakathi kwalaba baculi.

OLUNYE UDABA: Ubhoboka ngokukhindela ukunakwa uPam Andrews 

Lezi zindaba ezivezwe uForbes zenze kwacaca ukuthi into eyayibangwa yilezi zinsizwa nguye u-Enhle Mbali.